𝗜𝗻𝗰𝗵𝗲𝗼𝗻 𝗔𝗶𝗿𝗽𝗼𝗿𝘁 𝘀𝗮 𝗦𝗼𝘂𝘁𝗵 𝗞𝗼𝗿𝗲𝗮, 𝗻𝗮𝗵𝗶𝗺𝗼𝗻𝗴 𝗽𝗶𝗻𝗮𝗸𝗮𝗯𝘂𝘀𝘆 𝗻𝗴𝗮 𝗶𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗮𝗶𝗿𝗽𝗼𝗿𝘁 𝘀𝗮 𝘁𝗶𝗯𝘂𝗼𝗸 𝗸𝗮𝗹𝗶𝗯𝘂𝘁𝗮𝗻

SEOUL, SOUTH KOREA: Nalabwan sa Incheon International Airport sa South Korea ang London Heathrow ug Singapore Changi Airport aron mahimong pinakabusy nga international passenger hub sa tibuok kalibutan sa unang tunga sa tuig 2026.

Sumala sa datos nga gipagawas sa Airports Council International karong Agosto 13, 2026, nga naglukop sa 1,234 ka mga tugpahanan sa tibuok kalibutan, nakatala ang Incheon og 38.39 million ka international passengers sa sulod sa unom ka bulan. Ang maong kalampusan kabahin sa padayong pagsaka sa maong tugpahanan gikan sa ika-10 nga pwesto niadtong 2002, ikatulo nga pwesto niadtong 2024, hangtod nga nakab-ot niini ang unang pwesto 25 ka tuig human sa opisyal nga pag-abli niini.

Nabutang sa ikaduhang pwesto ang London Heathrow nga nakatala og 37.79 million ka mga pasahero, samtang misunod ang Singapore Changi nga adunay 34.53 million. Gipahayag sa Incheon International Airport Corporation nga ang maong bag-ong dungog, dungan sa ika-12 ka tuig nga pagka-kampeon niini sa service quality ug paglapas sa usa ka bilyon nga kumulatibong pasahero, nagpalig-on sa pwesto sa Incheon isip usa sa pinaka-unang sentro sa biyahe sa tibuok kalibutan.