SAN JOSE, DINAGAT ISLANDS: Malampusong nakatapos ang 23 ka mga indibidwal sa Dinagat Islands sa lima ka adlaw nga Water Search and Rescue o WASAR training nga gipahigayon kaniadtong Agosto 4 hangtod 8, 2026.
Ang maong pagbansay gipangunahan sa Provincial Disaster Risk Reduction and Management Office o PDRRMO uban sa pakigtambayayong sa Philippine Coast Guard o PCG. Tumong niini ang pagpalig-on sa kaalam, katakos, ug disiplina sa mga partisipante aron makatabang sa mga emerhensya sa komunidad sanan maghatag usab og dugang oportunidad sa panginabuhian.
Gipasabot ni Provincial Administrator Edioneil D. Isidor, nga nagdala sa mensahe ni Governor Nilo P. Demerey Jr., nga ang maong mga nakat-unan dili lamang magamit sa trabaho kung dili lakip na sa adlaw-adlaw nga kinabuhi. Gipasidan-an usab nila nga bisan pa og gituyo ang matag teknik sa pagluwas og kinabuhi, ang kaluwasan sa mga rescuer ang angay gihapon nga unahon ug dili kompromisohon.
Atol sa kalihokan, gibansay ang mga partisipante sa water safety, swimming strokes, paggamit sa survival equipment, contact rescue techniques, types of tows, sanan landing techniques.