SURIGAO CITY: Mokabat sa 110 ka pamilya, 112 ka apektadong panimalay, ug 582 ka indibidwal ang naapektuhan sa nahitabong sunog sa Nueva Extension, Barangay Taft, Surigao City.
Base sa Fire Incident Affected Families Report nga gipagawas niadtong alas-12:30 sa kadlawon, Agosto 13, 2026, ang maong datos nagpakita sa kadako sa epekto sa sunog ngadto sa mga residente sa maong dapit.
Gipahayag usab nga ang maong ihap posible pa nga mausab samtang nagapadayon ang pag-validate ug pag-update sa mga impormasyon ug datos bahin sa mga apektadong pamilya ug indibidwal gikan sa tinubdan nga si Kagawad Ellen Kim Ortiz Balo.
Source: Kagawad Ellen Kim Ortiz Balo