MADRID, SURIGAO DEL SUR: Mokabat sa 1,506 ka mga mag-uuma sa lungsod sa Madrid, Surigao del Sur ang nakadawat sa pinansyal nga tabang ubos sa Presidential Assistance for Farmers and Fisherfolk o PAFF program aron magaan-gaan ang ilang gibati sa padayon nga pagsaka sa gasto sa produksyon sa agrikultura.
Ang maong hinabang kabahin sa paningkamot sa nasyunal nga kagamhanan sa pagtabang sa mga mag-uuma nga naapektuhan sa pagsaka sa presyo sa diesel sanan gasolina, nga direktang nakaapekto sa pag-andam sa yuta, transportasyon, sanan uban pang buluhaton sa uma. Tumong niini ang paghatag og dinalian nga tabang aron mapadayon ang operasyon sa mga umahan ug mapalig-on ang panginabuhian sa mga residente.
Matud pa sa usa sa mga nakadawat nga si Florito Ascarez, 60-anyos, dako kaayo og natabang ang maong ayuda sa ilang pamilya sa pagsagubang sa pagsaka sa presyo sa mga batakang palaliton sanan gasto sa pag-uma. Nagpasalamat usab siya sa nasyunal sanan lokal nga pangagamhanan sa paghatod sa maong programa sa ilang komunidad.