MANILA: Posible nga magkaroon na sa dili madugay ang Caraga Administrative Region sa ilang pinakaunang Level III public hospital nga maghatag og mas maayong serbisyong medikal sa mga residente sa rehiyon, sumala kay Butuan City Representative Jose “Joboy” Aquino II.
Gipahayag ni Aquino atol sa Mindanao launch sa LegisHear nga ang Butuan Medical Center gihisgutan na karon aron opisyal nga i-upgrade ug himoong Butuan General Hospital. Matud pa sa lehisllador, ang maong prayoridad nga lakang gipailawom sa House Bill No. 8470 nga gikatakda nang tun-an ug dungogon sa Senate Committee on Health nga gipangulohan ni Senator Risa Hontiveros.
Gilauman nga kon mapatuman ug mapirmahan ni Presidente Ferdinand Marcos Jr. aron mahimong balaod, ang Butuan General Hospital ipailawom na sa direktang pagdumala ug superbisyon sa Department of Health o DOH, nga magdala og mas taas nga kalidad sa pasilidad, ekipo, ug espesyalistang serbisyo sa panglawas alang sa tibuok Caraga.