MANILA: Giabalik na ang pondo para sa flood control projects sa gipagawas nga 7.2 trillion pesos proposed national budget alang sa tuig 2027 nga gi-sumite sa Department of Budget and Management o DBM sa Kapulungan sa mga Representante niadtong Martes.
Gipahayag sa DBM nga nakadawat ang Department of Public Works and Highways o DPWH og ikaduha sa pinakadakong alokasyon nga nagkantidad og 644 billion pesos, kon diin ang 16.17 porsyento niini gigahin para sa mga proyekto sa pagkontrolar sa baha. Nagpabilin gihapon ang sektor sa edukasyon nga adunay pinakadakong pondo nga miabot sa 1.314 trillion pesos o 18 porsyento sa 2027 National Expenditure Program o NEP.
Kahinumdoman nga gi-zero ang pondo sa flood control sa 2026 national budget human sa nadiskubrehan nga multibillion peso corruption niadtong 2025 nga miresulta sa pagpasaka og kasong kriminal batok sa pipila ka kanhi ug kasamtangang lehisllador sanan mga opisyal sa DPWH. Ang maong pondo nga nagkantidad og 255.5 billion pesos kaniadto gi-rechannel ug gibalhin sa sektor sa edukasyon, pagkaon, ug panglawas aron masiguro ang transparency ug hustong paggamit sa pondo sa kagamhanan.