SURIGAO CITY: Gipahigayon karong adlawa, Agosto 12, 2026, ang Inter-Office Sports Fest 2026 sa City Gymnasium sa Surigao City, diin nagkakatigom ang mga empleyado ug partisipante gikan sa nagkalain-laing opisina sa dakbayan.
Mitambong ug naghatag sa ilang mensahe si SK Federation President Jeanilyn Edulzura sanan si City Mayor Paul Dumlao, nga maoy pormal nga nagdeklarar sa opisyal nga pag-abli sa maong dula. Kabahin sa maong opening ceremony ang pagpahigayon sa Oath of Sportsmanship sanan ang ceremonial toss nga gipangulohan mismo ni Mayor Dumlao.
Gawas sa dula, gipresentar usab sa maong programa ang mga kandidato alang sa Mr. and Ms. Sportsfest 2026, lakip na ang Mass Dance competition nga gisalmotan sa Unit 1 hangtod Unit 5. Ang maong Inter-Office Sports Fest 2026 nagtumong sa pagpalig-on sa panaghiusa, camaraderie, ug maayong relasyon sa mga kawani sa panggamhanan pinaagi sa mabuhatong palakasan.