KIDAPAWAN CITY: Malampusong naluwas ug gipailawom sa pag-atiman sa mga awtoridad ang usa ka juvenile Philippine Serpent Eagle human kini napalit ug nakaplagan sa usa ka residente sulod sa iyang rubber plantation sa Sitio Lapan, Barangay Perez, Kidapawan City niadtong Agosto 4, 2026.
Giturn-over dayon sa nakakaplag ang maong langgam kang Barangay Kagawad Ronnie Emboc, kinsa ang nag-coordinate sa mga hingtungdan aron maseguro ang luwas nga pag-atiman niini. Gikuha sa Protected Area Management Office sa Mt. Apo Natural Park o PAMO-MANP ang agila ug gidala sa City Veterinary Office aron susihon sa doktor. Nasuta nga maluya ang maong langgam apan walay nakit-ang grabeng kadaot sa lawas, ug kasamtangan kini nga nagpaalim sa Temporary Wildlife Rescue Shelter sa PENRO Cotabato.
Gipahinumdoman sa PAMO-MANP ang publiko nga ang pag-atiman o paghimo isip binuhi sa mga ihalas nga mananap hugot nga gidili ubos sa Republic Act No. 9147, sanan giawhag ang tanan nga i-report dayon sa DENR o lokal nga awtoridad ang bisan unsang nawala, naangol, o nahisalag nga wildlife.