STOCKHOLM, SWEDEN: Malikmaton ug malampuson nga gihimo sa nasud sa Sweden ang labaw sa 50 porsyento sa ilang mga basura sa panimalay ngadto sa usa ka limpyo ug mapuslanong enerhiya pinaagi sa ilang advanced waste-to-energy incineration nga sistema. Tungod sa maong teknolohiya, wala nay molapas sa usa ka porsyento sa ilang kinatibuk-ang basura ang nahabilin o napunta sa mga landfills.
Ang maong pamaagi sa pagproseso sa basura ang naghatag og kainit sa kapin usa ka milyon ka mga panimalay ug nagsuplay og kuryente sa gatusan ka libo ka mga tawo sa tibuok nasud. Dugang pa niini, nakamugna usab ang Sweden og kapin 100 million USD nga kinitaan kada tuig pinaagi sa pag-angkat ug pag-recycle sa mga basura gikan sa ubang mga nasud.