CAGAYAN DE ORO CITY: Nagmando si Mayor Rolando Uy sa pagpa-antad ug pagpahunong sa mga klase sa tanang pampublikong tunghaan gikan sa pre-school hangtod sa sekondarya sa dakbayan sa Cagayan de Oro karong Huwebes ug Biyernes, Agosto 13 ug 14, 2026, tungod sa gilauman nga grabeng kainit sa panahon.
Gihimo ang maong pagpahunong sa klase human nagpagawas og pasidaan ang PAGASA Mindanao PRSD station nga nahimutang sa Laguindingan Airport sa Misamis Oriental nga moabot sa 43 degrees Celsius ang heat index sa maong mga adlaw, nga nahulog na sa kategoryang peligro o danger level.
Bisan pa man nga awtomatiko nga suspended ang klase sa pampublikong batakang edukasyon, gipabay-an sa lokal nga kagamhanan sa paghukom sa mga tagdumala sa mga pribadong tunghaan ug mga kolehiyo kon mopa-ingon ba usab sila sa pagpahunong sa klase. Giawhag ang mga residente ug mga ginikanan nga magpabilin nga matngon sa mga opisyal nga pahibalo sa lungsod ug mag-amping batok sa mga sakit nga dulot sa hinubra nga kainit.