DAVAO CITY: Mitambong si Vice President Sara Duterte sanan si Davao City 1st District Representative Paolo “Pulong” Duterte sa gipahigayon nga pagdungog sa kasong grave threats ug slight physical injuries nga giatubang sa kongresista sa Davao City Regional Trial Court Branch 52 niadtong Huwebes, Agosto 13, 2026.
Ang maong kaso gipasaka batok kang Rep. Duterte sa negosyanteng si Kristone John Patria. Sumala sa mga taho ug reklamo nga gipagawas sa Department of Justice o DOJ, nagagikan ang maong legal nga aksyon sa usa ka insidente niadtong Pebrero 23, 2025 sa usa ka bar sa Barrio Obrero, Davao City. Sa maong hitabo, gipasangil sa nagreklamo nga gihulga sanan gipasakitan siya sa kongresista taliwala sa usa ka lalis.