SURIGAO CITY: Nagpaabot og dako ug dali nga tabang ang Rotary Club of Surigao City sa pangulo ni President Herbert LopezGo alang sa mga pamilyang naapektuhan sa nahitabong sunog sa Barangay Taft, Surigao City.
Kagahapon sa hapon, Agosto 13, 2026, nagtigom ang mga sakop sa maong grupo sa Barangay Taft Gymnasium sa Nueva Street aron magtaod og duha ka dagkong stainless-steel water tanks. Ang maong mga tangke sa tubig nagtumong sa paghatag og limpyo ug padayon nga suplay sa tubig alang sa mga pamilya samtang nagpadayon ang ilang pagbangon gikan sa trahedya. Naging posibleng matuman ang maong inisyatibo pinaagi sa pakigtambayayong sa Filipino Chinese Volunteer Fire Brigade sa Surigao del Norte nga gipangulohan ni Past President Peter Paul Go, diin ang ilang bombero ang nagpondo sa tubig sa mga tangke.
Gawas sa maong pasilidad sa tubig, gipang-apod-apod usab ni Past President Ritche Fortus sa matag pamilya ang tag-10 ka litrong tubig nga mainom ug mga bisti gikan sa Surigaonon Visayan Marketing Corporation, Inc.