Surigao Youth Friendship Games 2026, malampusong natapos sa dakbayan sa Surigao

SURIGAO CITY: Malampusong gitapos sa City Government of Surigao, pinaagi sa Local Youth Development Office o LYDO, ang Surigao Youth Friendship Games 2026 pinaagi sa usa ka awarding ceremony alang sa mga batan-on ug youth organizations nga nagpakita og sportsmanship, pagtinabangay, ug talento.

Ang maong mga dula gipahigayon niadtong Agosto 8 hangtod 9, 2026, isip kabahin sa selebrasyon sa Linggo ng Kabataan 2026. Gibuksan ang kalihokan alang sa walo ka mga youth organizations nga nagtigi sa Basketball Tournament, Mr. and Ms. Batang Surigaonon Youth Friendship Games 2026, ug Amazing Race. Gawas sa kompetisyon, naghatag inin og makahuloganong plataporma sa mga batan-ong Surigaonon aron makamugna og bag-ong panaghigalaay, makapalig-on sa pagtinabangay, ug makasaulog sa pagkahiusa.

Tambong sa maong awarding ceremony sila si SK Federated President Jenelyn E. Edulzura ug OIC-LYDO Jayson B. Como nga naghatag og pag-ila sa dedikasyon ug aktibong partisipasyon sa mga batan-on.