MinDA nagdapit sa Japanese investors sa pagpuhunan sa biomass sanan RE projects sa Mindanao

MINDANAO: Gipahibalo ni MinDA Chairperson Secretary Leo Tereso Magno niadtong Lunes ang pag-abiabi sa lokal sanan internasyonal nga mga mamumuhunan aron sa pagsuhid sa mga kahigayonan sa renewable energy dinhi sa Mindanao.

Matod pa ni Magno, naghatag an panggamhanan og maayong palibot para sa mga investors ilalom sa mga palisiya ni Presidente Marcos Jr., ug gihisgutan niya ang Erex Co., Ltd., usa ka kompanya sa biomass nga nakabase sa Japan, isip usa ka posibleng kasosyo. Gipadayag ni Ms. Tomoko Dodo, kanhi Consul sa Japan sa Davao ug lider sa delegasyon sa Erex, nga dili lamang salapi ang ilang gidala kundili lakip na usab ang labing abante nga teknolohiya sa biomass energy. 

Gipasidunggawan usab ni Magno ang PPP Desk sa MinDA sanan ang EO 122 kalabot sa mga critical minerals, nga nagbutang sa Caraga sanan Mindanao isip mga nag-unang dapit sa pamuhunan. Ang maong miting nagsunod sa nahimong kasabotan sa MinDA uban sa Talacogon, Agusan del Sur sanan ang Laguna PIL Energy sa Korea para sa 5 MW hangtod 50 MW nga pasilidad sa biomass.