Mainitong pagsaludo sa mga boluntaryo ug Emergency Scouts nga mitabang sa dagan sa trapiko ug seguridad atol sa sunog sa Barangay Taft

SURIGAO CITY: Mainitong gipadangat ang dakong pasidungog ug pagsaludo sa tanang mga boluntaryo nga mibubo sa ilang oras ug paningkamot sa pagpahapsay sa dagan sa trapiko ug pagtabang sa mga awtoridad atol sa nahitabong sunog kagabii, Agosto 27, 2026, didto sa Barangay Taft. Ang maong pagtinabangay nagpakita sa tinuod nga diwa sa bayanihan taliwala sa hagit sa emerhensya ug sa kalisod nga giagian sa mga naapektuhang pamilya.

Lakip sa nagpakita sa talagsaong kahandaan ug kaisog ang mga Emergency Scouts gikan sa nagkalain-laing eskwelahan sa dakbayan, diin usa na niini ang mga dedikadong tinun-an sa NEMCO nga daling nakaabot sa lugar sa insidente aron maghatag sa ilang hinanali nga tabang. Gidayeg sa katawhan ang ilang kakugi ug boluntaryong pagserbisyo sa paggiya sa trapiko ug pagseguro nga hapsay ang dagan sa mga nagresponde nga sakyanan. Ang ilang aksyon usa ka pamatuod nga ang kabatan-onan adunay dakong mahimo sa pagtabang sa komunidad panahon sa mga katalagman ug kalisdanan.