DAVAO CITY: Pormal na nagpagawas og pahayag ang Schools Division sa Davao City aron mangayo og pasaylo sa publiko tungod sa dili maayong binuhatan sa pipila ka mga estudyante atol sa pagbisita ni Presidente Ferdinand Marcos Jr. niadtong Hulyo 28, 2026.
Nag-viral kaniadto ang usa ka bidyo kon diin makita ang mga estudyante sa Calinan National High School nga naggamit ug mga pulong nga walay pagrespeto ug nanungog sa Pangulo sa dihang milabay ang helikopter niini sa ibabaw sa ilang tunghaan.
Gipadayag sa buhatan nga wala nila toleraha ang maong matang sa pamatasan. Gihimo dayon ang seryosong imbestigasyon sugod niadtong Hulyo 30 uban sa School Child Protection Committee aron masuta ang tinuod nga nahitabo ug mahatagan og saktong aksyon inin nga insidente.
Giila ang upat ka mga estudyante nga nalambigit, ug pormal nang gipatawag ang ilang mga ginikanan sa usa ka mandatory conference. Kasamtangan kining gipailalom sa estrikto nga disiplina, counseling, sanan values formation aron tarongon ang ilang pamatasan ug pagkatawo.
Gipahinumdoman sa DepEd Davao ang tanan nga ang mga tunghaan kinahanglang magpabiling dapit sa kahapsay, disiplina, ug taas nga pagrespeto sa isigka-ingon.