BUTUAN CITY: Naghatag ang Department of Social Welfare and Development o DSWD Caraga og tag-P3,000 nga tabang pinansyal sa hapit 2,500 ka benepisyaryo sa Butuan City atol sa gipahigayon nga LegisHear program kaniadtong Agosto 7 hangtod 8 sa Caraga State University gymnasium.
Gipagawas ang maong pondo pinaagi sa Assistance to Individuals in Crisis Situations o AICS program alang sa mga imbolbado ug nagkinahanglan nga pamilya, lakip na ang mga senior citizen sanan tawo nga adunay kapansanan aron maibsan ang ilang kakuwang sa adlaw-adlaw nga panginahanglan.
Ang maong panagtirok kay usa ka inisyatibo sa Kamara nga naghiusa sa konsultasyon sa mga balaod ug sa direktang paghatag og serbisyo publiko. Dungan sa DSWD, misalmot usab ang mga ahensya katulad sa DOH ug TESDA aron maghatag og serbisyong medikal, livelihood support, ug pagpaminaw sa mga sugyot sanan mulo sa mga residente.
Dako ang pasalamat sa mga nakadawat nga Butuanon pareho ni Vivian Antiporta nga usa ka tindera ug labandera, sanan ni Mary Fe Hiangan, tungod sa kaapsag ug kahapsay sa maong payout nga nakatabang og dako sa pagkaon ug sa panginahanglan sa ilang mga anak sa tunghaan.