KORONADAL CITY: Miposte og dakong kalamposan ang Department of Social Welfare and Development o DSWD human nga malampusong natapos ang pagpatuman sa ilang flagship tutoring program nga Tara, Basa! sa tibuok SOCCSKSARGEN alang sa tuig 2026.
Miabot sa kapin 15,000 ka mga benepisyaryo ang nakatagamtam sa maong inisyatibo, nga naglangkob sa 13,214 ka mga estudyante sanan ginikanan, uban sa 1,321 ka mga tutors ug 847 ka youth development workers gikan sa 33 ka lokal nga kagamhanan ug 258 ka pampublikong tunghaan sa rehiyon.
Gipahigayon ang katapusang payout sa cash-for-work incentive alang sa mga ginikanan didto sa Lake Sebu, South Cotabato, nga nagmarka sa pagkahuman sa 20 ka adlaw nga cycle sa maong nga programa.
Gipasabot ni Jerry Dumdum, ang information officer sa maong inisyatibo, nga tumong niini ang pagpauswag sa kaalam sa pagbasa sa mga bata ug ang pagdasig sa mga ginikanan nga moapil sa edukasyon sa ilang mga anak. Dugang pa niya, padayon pa inin nga ipatuman sa mga mosunod nga tuig subay na usab sa Executive Order No. 76 series of 2024 nga naghimo sa Tara, Basa! nga usa ka pormal nga flagship program sa nasyunal nga gobyerno.