VP Sara Duterte, nagpiyansa sa Quezon City RTC alang sa iyang giatubang nga kasong grave threats

QUEZON CITY: Pormal nga nagpiyansa si Vice President Sara Duterte didto sa Quezon City Regional Trial Court human mag-isyu ang hukmanan og warrant of arrest kalabot sa tulo ka counts sa kasong grave threats nga giatubang batok kaniya.

Human sa pagproseso sa iyang piyansa, naggahin og gamay nga oras ang bise presidente aron pasalamatan ang mga sakop sa media nga nagkober sa maong kalihokan. Sa iyang pamahayag sa atubangan sa mga tigbalita, nagpasalamat si Duterte sa pagpadayag sa matuod nga hulagway sa panag-atubang sa balaod ug nagpahayag sa iyang mga kabaka kalabot sa iyang personal nga kasegurohan sa iyang paggawas sa korte.

“Dahil sa mga lens at mikropono ninyo, naririnig ng taumbayan kung gaano kakapal ang gobyerno natin ngayon,” matud pa ni VP Duterte sa iyang pamahayag. Samtang padayon nga nag-atubang sa mga legal nga proseso, gipadayag sa iyang legal nga kampo nga gamiton nila ang tanang legal nga remedyo subay sa balaod.