16-anyos nga PWD nga halos malumos sa Barangay Taft, nabuhi human gitabang sa Coast Guard

Edit

SURIGAO CITY: Nahimong malampuson ug pabililhong tabang ang dinalian nga aksyon sa usa ka sakop sa Philippine Coast Guard (PCG) human masalbar ug mabuhi ang usa ka 16-anyos nga Person with Disability (PWD) nga halos malumos didto sa Barangay Taft, Surigao City niadtong Setyembre 4, 2026.

Nangulo sa maong pagluwas si Apprentice Seaman (ASN) Rheyson Maestro PCG, kinsa padulong unta magpahigayon og Pre-Departure Inspection (PDI) sakay sa MV News MPC 2 sa dihang nakadawat siya og report bahin sa insidente. Sa iyang pag-abot sa dapit, nakuha na sa mga residente ang biktima ug gisulayan na kini og CPR. Dinalian nga gipadayon ug giyahan ni Maestro ang resuscitation pinaagi sa paghatag og mga 100 ka chest compressions hangtod nga nabalik ang pultak ug nahuwasan ang biktima sa wala pa moabot ang dugang nga medical team.

Nagtinabangay usab ang Coast Guard Sub-Station (CGSS) Surigao City, Coast Guard Special Operations Group-Northeastern Mindanao (CGSOG-NEM), ug CDRRMO aron matunol ang biktima sa Quick Action Response Team (QART) sa City Rescue. Dinalian kining gida sa Caraga Regional Hospital diin namatikdan nga naa na sa maayong ug stable nga kondisyon. Ang maong madasigong aksyon nagpakita sa kalidad sa gipahigayon nga Basic Life Support (BLS) training sa PCG ubos sa ilang Intensified Community Assistance, Awareness, Response, and Enforcement (iCARE) Program alang sa kasegurohan sa mga coastal communities.