Sakop sa Philippine Coast Guard, dinalian nga mitabang sa aksidente sa duha ka motorsiklo sa Barangay Ipil

SURIGAO CITY: Nagpakita usab og dinalian nga pagtabang ang mga sakop sa Coast Guard Station Surigao del Norte human nalambigit sa usa ka aksidente sa karsada ang duha ka motorsiklo sa Barangay Ipil, Surigao City, niadtong Setyembre 6, 2026.

Habang nagbiyahe pabalik sa ilang headquarters, nakasaksi ang duty driver sa CGS SDN JAC Truck nga si Apprentice Seaman Alwen Bañacia PCG sa nahitabong pagbangga sa duha ka motorsiklo. Isip unang responder sa dapit, dinalian nga gipahunong ni Bañacia ang iyang gisakyan nga truck aron tan-awon ug hatagan og paunang pag-atiman ang estado sa mga naangol nga biktima samtang naghulat sa mga emergency responders ug ambulansya.

Pag-abot sa Quick Action Response Team (QART) sa City of Surigao Rescue, pormal nga gitunol ang mga biktima alang sa medical assessment, samtang gitabangan usab sa sakop sa Coast Guard ang pagdumala sa trapiko ug crowd control sa dapit. Tungod niini, gihatagan og pagdayeg ni Lieutenant Junior Grade Roy Christopher R. Orillaneda PCG, Station Commander sa CGS Surigao del Norte, ang gipakitang inisyatibo ug serbisyo ni Bañacia subay sa Intensified Community Assistance, Awareness, Response, and Enforcement (iCARE) Program sa Philippine Coast Guard.