SURIGAO CITY: Nagkahiusa ug nagdumog sa kalipay ang mga estudyante, magtutudlo, ginikanan, ug mga tigsuportar gikan sa nagkalain-laing eskwelahan samtang gipahigayon ang gipaabot nga Drum and Lyre Competition 2026 niadtong Setyembre 7, 2026, alas 4:00 sa hapon didto sa Provincial Sports Complex.
Ang maong kompetisyon, nga gipangulohan sa City Government of Surigao, nagtumong sa pagpalambo sa talento, disiplina, ug teamwork sa mga kabatan-onan samtang gipasigarbo ang tinuod nga espiritu sa panaghiusa sa mga Surigaonon. Pito ka grupo ang misalmot sa Elementary Category, lakip ang Canlanipa Central Elementary School, Ipil Sound Waves–Ipil Elementary School, Navarro Memorial Central Elementary School, Mariano Espina Memorial Central Elementary School, Batiang C.V. Diez Tukar Mananyaw, Surigao City Central Elementary School, ug Nonoc Elementary School. Pito usab ka tunghaan ang nagpasundayag sa Secondary Category, diin nalakip ang Surigao City National High School, Cabarrus National High School, St. Paul University Surigao, Aniomar National High School, Surigao del Norte National High School, Bacuag National Agro-Industrial School, ug Immaculate Heart of Mary Academy sa Kitcharao, Agusan del Norte.
Misanag ang maong aktibidad pinaagi sa pagtambong ug paghatag og inspirational messages nila Provincial Governor Robert Lyndon S. Barbers ug City Vice Mayor Alfonso S. Casurra kauban ang uban pang opisyal sa lokal nga pangagamhanan. Dako ang pagpasalamat sa gobyerno sa dakbayan sa tanang participating schools, committees, ug mga ginikanan nga nitampo sa ilang panahon ug paningkamot aron mahimong malampuson ang maong selebrasyon sa musika, disiplina, ug garbo sa komunidad.
Leave a Reply