CAGAYAN DE ORO CITY: Ang pagpahigayon ug usa ka malinawon ug malampusong parliamentary election sa Bangsamoro Autonomous Region in Muslim Mindanao o BARMM kay maghatag ug mas lig-on nga kumpiyansa sa mga mamumuhunan sa tibuok Mindanao, sumala sa usa ka opisyal sa sektor sa negosyo.
Gipahayag ni Irene L. Floro, ang conference director sa 35th Mindanao Business Conference, nga dako ang epekto sa unang parliamentary election sa BARMM sa panglantaw sa mga internasyonal nga merkado ug mga mamumuhunan bahin sa kalinaw, pagdumala, sanan katakos sa rehiyon nga magpadayon sa pagpalambo sa ekonomiya.
Gipatin-aw ni Floro nga dako na ang kausaban ug kalamboan nga gipakita sa BARMM sa milabay nga mga adlaw. Dugang pa niya, adunay mga representante gikan sa Malaysian Embassy nga nagpadagayday sa ilang tinguha nga mobisita sa Mindanao alang sa mga posibleng pakignegosyo kung walay mahitabong samok sa maong mga nga piniliay.
Giawhag usab ni Floro ang mga delegado gikan sa BARMM nga moapil sa ipahigayon nga Mindanao Business Conference karong Agosto 11 hangtod 13 dinhi sa dakbayan sa Cagayan de Oro aron ipadangat ang ilang mga mulo ug sugyot nga makatabang sa pagsulong sa ekonomiya.