BUTUAN CITY: Nagpadala og 887 ka personahe ang Police Regional Office (PRO) 13 alang sa pagseguro sa kapayapaan sa unang 2026 Bangsamoro Autonomous Region in Muslim Mindanao (BARMM) Parliamentary Elections, human sa gipahigayon nga Send-Off Ceremony sa Camp Col. Rafael C. Rodriguez niadtong Setyembre 7, 2026.
Ang maong augmentation force gilangkuban sa 375 ka Special Electoral Board (SEB) personnel, 490 ka security personnel, ug 22 ka drivers nga ideploy sa mga probinsya sa Basilan, Lanao del Sur, Maguindanao del Norte, Maguindanao del Sur, ug sa Special Geographic Area (SGA). Gipahigayon ang maong aktibidad kauban si Atty. Geraldine C. Samson, Assistant Regional Election Director sa COMELEC Caraga, isip Guest of Honor and Speaker.
Gipahayag ni Police Brigadier General Rolindo M. Suguilon, Regional Director sa PRO-13, nga napaubos sa saktong pagsulay ug training ang mga pulis nga magsilbing SEB members aron masiguro ang hapsay ug luwas nga matag adlaw sa piniliay. Ubos sa pagpangulo ni Police Colonel Michael B. Lozada sa Regional Mobile Force Battalion (RMFB) 13, gipahimangnoan ug gipanalipdan sa hepe ang maong contingent aron magsilbing lig-on nga babag batok sa bisan unsang gubot sa dapit.
Leave a Reply