Residente sa Tubajon, mibarog batok sa gipangabay nga 2,187-hektaryang nickel mining project sa Core Mining Corporation

TUBAJON, DINAGAT ISLANDS: Nagkahiusa ang mga residente sa lima ka barangay sa lungsod sa Tubajon—ang Diaz, Imelda, Mabini, Navarro, ug Sta. Cruz—aron supakon ang gipangabay nga 2,187-hektaryang Tubajon Nickel Mining Project sa Core Mining Corporation (CMC).

Ang maong dakong proyekto gilauman nga mag-estar og 6 ka milyon nga metric tons sa nickel matag tuig, nga naglakip sa tulo ka mining areas, stockyards, ug usa ka causeway. Bisan pa man sa pamasin sa kompanya nga magdala kini og trabaho, kalsada, ug kalambuan sa lokal nga ekonomiya, nagpabilin ang dakong kabaka sa komunidad bahin sa maayong tubig, kakahoyan, ug ang pagkaon nga naggikan sa ilang katunaan ug kadagatan.

Gipadayag sa mga residente sa Barangay Navarro nga gipanalipdan nila ang ilang watershed, tungod kay nakasinati na sila og dakong hulaw ug krisis sa tubig kaniadto, ingon man ang hulga sa pagbaha ug pagkadaut sa mga bahura ug mangingisda tungod sa siltation ug run-off. Subay niini, nagkahiusa ang mga lumulupyo sa pagpadayag sa ilang singgit nga “Dili kami motugot” ug “Ang kinaiyahan mao ang atong kinabuhi ug kaugmaon” aron masiguro ang proteksyon sa natural nga kapanguhaan alang sa ilang mga kabataan.