Mga kinhason sa Lianga Bay sa Surigao del Sur, nakit-ang positibo sa red tide

BUTUAN CITY: Nagpagawas og babaye nga advisory an Bureau of Fisheries and Aquatic Resources sa Caraga Region (BFAR-13) human masuta nga positibo sa paralytic shellfish toxin o mas nailhan nga red tide an mga kinhason nga naggikan sa Lianga Bay, Surigao del Sur.

Base sa gipahigayon nga laboratory analysis ug screening test sa BFAR National Fisheries Laboratory Division, nagpakita og taas ug peligroso nga lebel sa hilo an mga sample sa kinhason gikan sa maong dapit. Tungod niini, nagpahimangno an BFAR-13 sa tanang residente nga likayan una an pag-ani, pagbaligya, ug pagkaon sa tanang matang sa kinhason ug Acetes sp., nga mas nailhan sa lokal nga ngalan nga “alamang” o ginaingon nga “uyap,” gikan sa Lianga Bay aron malikayan an pagkahilo.

Mensahe usab sa ahensya nga luwas gihapon nga kaunon an mga isda, kasag, ug pugita, apan kinahanglan nga kuhaan gayud ug hugasan pag-ayo an mga tinai ug sulod-gininhawa niini sa dili pa lutoon. Kasamtangang nakig-alayon an BFAR sa mga lokal nga pangagamhanan aron paspasan an monitoring ug pagpahibalo sa publiko alang sa seguridad sa panglawas sa tanan.