MANILA: Giisa sa nasudnong entablado ang tingog sa kabatan-onan sa isla human malampusong miapil si Hon. Kim Valeri A. Tampon, ang SK Federated President sa Lungsod sa San Jose, Dinagat Islands, isip delegado sa ASEAN Youth Summit 2026 nga gipahigayon kaniadtong Agosto 4 hangtod 7 sa Philippine International Convention Center o PICC dinhi sa Manila.
Si Tampon, nga usa usab ka licensed professional teacher, misalmot sa panagkatigom sa mga batan-ong lider gikan sa nagkalain-laing nasud aron paghisgot sa kooperasyon, kabag-ohan, sanan inklusibong kalamboan subay sa youth empowerment initiatives sa ASEAN chairship sa Pilipinas.
Gawas sa pagdala sa mga mulo sanan hagit sa mga batan-on sa komunidad, gipahimuslan usab ni Tampon ang maong higayon sa pagpaila sa kinaiyahan, kultura, sanan potensyal sa turismo sa Dinagat Islands ngadto sa mga delegado, aron mas makilala ang probinsya sa rehiyonal sanan internasyonal nga entablado.