SURIGAO DEL NORTE: Gipasidunggan ug nagdala og dakong dungog ang Surigao del Norte Arnis Team human sila malampusong mikuha og duha ka silver medals sanan usa ka bronze medal sa prestihiyosong Philippine Eskrima Kali Arnis Federation o PEKAF National Battle of Champions.
Gipakita sa mga atleta sa Mindanao ang ilang kasingkasing, kahanas, ug hugot nga determinasyon sa pagsangka batok sa labing maayong mga manlalaro gikan sa Luzon, Visayas, Mindanao, sanan sa Philippine National Arnis Team o PNAT.
Sa Junior Female Category, gisakmit ni Princess Jhaicah M. Bonotan ang silver medal sa Featherweight Division Live Stick Combative Event. Samtang sa Senior Female Category, si Jelle Britney B. Porpayas mibulsa usab og silver medal sa Light Middleweight Division Padded Stick Combative Event, sanan misilyo sa bronze medal sa Light Middleweight Category Live Stick Combative Event.
Ang maong kalamposan gidayeg usab sa tibuok probinsya, diin gipasalamatan ang dedikasyon sa ilang coach nga si Ivan Clear Cuizon sa paggiya sa mga atleta padulong sa kadaugan.