SURIGAO CITY: Gipahigayon kuman ang usa ka dako nga Jobs Fair didto sa City Cultural Center ug City Gym aron paghatag og direktang higayon sa mga residente sa Surigao City sanan Surigao del Norte nga makapangita og trabaho dinhi sa nasud ug sa gawas sa nasud.
Ang maong kalihokan gipangunahan sa Local Youth Development Office sa pakigtambayayong sa PESDO ug uban pang mga nasyunal nga ahensya sa kagamhanan. Tumong niini ang pagtabang sa mga nagkinahanglan og kapanginabuhian ug pagdugtong sa mga employer ngadto sa mga kwalipikadong aplikante.
Gibutyag nga nagkalain-laing klase sa trabaho ang giandam sa maong kalihokan, nga nakahatag og dakong tabang sa mga batan-on sanan sa mga indibidwal nga gustong makasulod sa pormal nga panarbaho.