SURIGAO CITY: Nahimong sentro sa bahandionon ug init nga diskusyon sa publiko ang mga nagtapok nga basura nga nabilin sa Surigao City Central Public Market Grounds pagkahuman sa gipahigayon nga Bundak Music Festival 2026 niadtong Setyembre 8.
Subay sa mga hulagway ug report gikan sa mga nakasaksi ug residente, nagkalat ang mga plastic bottles, wrappers, ug ubang kalat sa palibot sa venue human sa madasigong gabi-i sa musika ug selebrasyon. Bisan pa man sa kalampusan sa maong aktibidad isip bahin sa Bonok-Bonok Maradjaw Karadjaw Festival, nipadayag og pagkadiskontento ang daghang Surigaonon sa kakulang sa disiplina ug pagtagad sa kalikopan sa pipila ka mga mitambong.
Giawhag sa mga opisyal sa lokal nga pangagamhanan ug mga advocates sa kalikopan ang tanang sumasalmot ug mga bisita nga magtinabangay sa pagmintinar sa kalimpyo sa matag selebrasyon. Samtang nagpadayon ang paghinlo sa lugar pinaagi sa mga solid waste management personnel, gipahimangnoan usab ang publiko nga magpraktis sa “proper waste disposal” ug “clean as you go” (CLAYGO) aron mapanalipdan ang kalimpyo sa dakbayan.
Leave a Reply