MANILA: Walay gipakitang lig-on nga dokumento o proba ang Office of the Vice President o OVP nga magpamatuod sa mga tiunay nga nakab-ot nga resulta aron hustipikahon ang pagpagawas sa 131.787 million pesos nga confidential fund rewards gikan sa Disyembre 2022 hangtod sa Septyembre 2023.
Mao kini ang gipadayag ni Xylene Mae del Campo, ang supervising auditor sa Commission on Audit Intelligence and Confidential Funds Audit Office o COA ICFAO, atol sa iyang pagtubag sa mga pangutana ni House private prosecutor Lorna Kapunan sa ika-14 ka adlaw sa impeachment trial ni Vice President Sara Duterte sa Senado.
Gipasabot ni Del Campo nga ang maong kantidad naglakip sa 69.787 million pesos nga gipagawas gikan sa 125 million pesos nga confidential fund sa OVP noong Disyembre 2022, ug laing 62 million pesos sa unang tulo ka kwarter sa tuig 2023. Sumala pa sa prosecution, ubos sa Joint Circular No. 2015 01, kinahanglan nga ang ulo sa ahensya magpakita og opisyal nga pag-aprobar ug mga dokumento sa gipahigayon nga surveillance o information gathering aron mahimong lehitimo ang paghatag sa ganti sa mga informant.