BUTUAN CITY: Padayon ang pag-apod-apod sa Department of Agriculture Regional Office XIII o DA 13 sa ilang Fuel Assistance to Farmers Program dinhi sa Caraga Region, kon diin mokabat sa 1,329 ka mga mag-uuma ang makadawat og tag lima ka libo ka pesos nga hinabang pinansyal aron pagpagaan sa ilang galastuhan.
Gilahad sa ahensya nga naggahin sila og kinatibuk-ang pondo nga unom ka milyon sanan tulo ka gatos ka libo ka pesos para sa maong programa nga gipatuman sugod niadtong Hulyo 29 hangtod sa Septyembre 4, 2026. Tumong sa maong inisyatibo ang pagpagaan sa mabug-at nga gasto sa operasyon ug mga makinarya sa mga mag-uuma tungod sa padayon nga pagsaka sa presyo sa petrolyo sa merkado.
Nasayran nga nahatagan na ang unang mga benepisyaryo niadtong Hulyo 29 sa Kitcharao, Agusan del Norte sanan niadtong Agosto 6 sa San Agustin, Surigao del Sur. Padayon usab ang eskedyul sa pag-apod-apod sa uban pang mga lungsod sa rehiyon lakip na ang Dinagat Islands sanan Surigao del Norte hangtod sa pagtapos sa programa sa sunod bulan.