MANILA: Malampusong gipagawas sa Department of Budget and Management o DBM ang kantidad nga P1 bilyon ngadto sa University of the Philippines o UP System aron palig-onon ang AI-powered flood forecasting, real-time hazard monitoring, ug disaster prevention capabilities sa Project NOAH.
Gipahayag ni DBM Acting Secretary Kim Robert C. De Leon nga ang maong pondo nagtumong sa pagbalhin sa pamaagi sa pagdumala sa kalamidad gikan sa pagtubag human mahitabo ang katalagman ngadto sa paggamit sa siyensya, teknolohiya, ug datos aron masuta ang risgo daan. Gikan sa kinatibuk-ang pondo, ang P935 milyon gigahin para sa mga serbisyo sa panukiduki, samtang ang P65 milyon gigahin para sa general management ug supervision sa implementasyon sa proyekto ubos sa UP Resilience Institute o UPRI.
Ang pondo magamit sa pagpalit sa kritikal nga ICT ug teknikal nga kagamitan, pagkuha sa mga espesyalista, ug pagpalambo sa mga sistema sa pagbanabana sa baha.
Leave a Reply