Duha ka suspetsado sikop sa buy-bust operation sa Barangay Washington; ₱6,800 nga kantidad sa shabu nasakmit

SURIGAO CITY: Sikop ang duha ka suspetsado atol sa gilusad nga buy-bust operation sa Bagong Silang, Barangay Washington, Surigao City niadtong alas 3:45 sa hapon, Setyembre 1, 2026. Giila ang mga dinakpan pinaagi sa ilang mga alyas nga sila “Mawi,” 50 anyos nga residente sa Bagong Silang, ug “Jonard,” 30 anyos nga nagpuyo sa Kaskag Village sa nahisgutang barangay.

Sa maong operasyon, narekober sa mga awtoridad ang usa ka pakite sa gidudahang shabu nga motimbang og usa ka gramo ug gibana-banang nagkantidad og ₱6,800. Gawas niini, nakuha usab gikan sa mga suspetsado ang ₱1,000 nga marked money, duha ka cellphone, usa ka coin purse, ug dugang ₱200 nga cash. Ang malampusong operasyon gipangunahan sa Surigao Component City Police Station Drug Enforcement Unit uban sa hugot nga suporta sa 1st SDN PMFC, PDEA RO13, ug RIU-13 PIT-SDN.

Kasamtangang anaa na sa kustodiya sa Surigao Component City Police Station ang duha ka suspetsado lakip ang mga nakumpiskang ebidensya alang sa saktong disposisyon ug pagpasaka og tukmang kaso.

Photo by RPN-DXKS Surigao.