Grass fire nahitabo sa MSC Shrine Canlanipa Housing sa Surigao City

SURIGAO CITY: Nahitabo ang usa ka sunog sa sagbot o grass fire didto sa MSC Shrine Canlanipa Housing, Barangay Canlanipa, Surigao City niadtong alas 4:01 sa hapon, Agosto 27, 2026. Base sa opisyal nga report gikan sa Surigao City Central Fire Station, nakadawat sila sa tawag bahin sa insidente sa maong oras, diin daling miresponde ang mga bombero ug rescue personnel aron mapugngan ang pagkaylap sa kalayo gikan sa estasyon nga may distansiya nga 2.5 kilometros.

Tungod sa paspas nga aksyon sa mga awtoridad, nai-deklarar nga under control ang sitwasyon alas 4:11 sa hapon sa wala pa kini hingpit nga napalong alas 4:22 sa hapon. Gikumpirma usab sa mga personahe nga grass fire lamang ang natala nga insidente, diin walay nasunog nga bisan unsang estruktura, walay namatay o nasamdan, ug walay bisan usa ka pamilya o indibidwal ang naapektuhan sa maong panghitabo nga giklasipikar ubos sa First Alarm.