Kadudahang mga bukog sa tawo, nadiskobrehan sa usa ka bukiron nga bahin sa Barangay Cagniog

SURIGAO CITY: Nabagtan ang nagkatag nga mga kadudahang bukog sa tawo sa usa ka bukiron ug sagboton nga dapit sa Purok 2, Sitio Cayutan, Barangay Cagniog, Surigao City niadtong Agosto 14, 2026.

Sumala sa report sa Surigao Component City Police Station o SCCPS, nakadawat sila og tawag gikan sa usa ka concerned citizen kabahin sa maong kaplag. Dihang miresponde ang mga kapulisan uban sa duty investigator, nasuta nila ang mga skeletal remains diin nakit-an usab ang usa ka digital wristwatch nga nakulob pa sa usa sa mga bukog, bisan pa man kon missing ang uban nga bahin sama sa kalabera. Gihangyo dayon ang Surigao del Norte Provincial Forensic Unit o SDNPFU aron sa pag-examine sa crime scene.

Matud ni Police Lt. Col. Atty. Mariano Lukban, hepe sa kapulisan sa syudad, walay nahaitala nga missing person dinhi sa dapit, ug gihangyo ang publiko nga adunay impormasyon sa pagbisita sa estasyon. Subay sa follow-up report, gibana-bana nga moabot na sa usa ka tuig o sobra ang milabay sukad namatay ang maong biktima tungod sa kahimtang niini. Padayon pa ang imbestigasyon sa kapulisan ug SOCO.