SURIGAO CITY: Miposte og bag-ong ehemplo sa komunidad nga pagdumala ug pagplano ang kapin 80 ka pamilyang Sama Bajau ug mga informal settlers sa Surigao City pinaagi sa ilang inisyatibo nga pagbag-o sa puy-anan, edukasyon, ug panginabuhian sa ilang dapit.
Atol sa pagsaulog sa International Day of the World’s Indigenous Peoples, gipakita sa maong komunidad kon unsaon pagporma ang mas luwas nga puy-anan ug hapsay nga kaugmaon taliwala sa mga hulga sa pagbag-o sa klima sama sa mga bagyo ug baha sa baybayon sa Mindanao.
Pinaagi sa pagtigom og kaugalingong datos ug pag-assess sa ilang kahimtang sa panimalay, nakamugna ang mga pamilya og lig-on nga basihan nga nagpakita sa ilang tinuod nga panginahanglan sa housing, pag-eskwela sa mga bata, ug panginabuhian.
Ang maong nakolekta nga impormasyon kay naghatag og direktang ebidensya sa mga lokal nga kagamhanan ug mga kapares nga organisasyon aron maayo ug matuok ang mga kulang nga serbisyo publiko nga sa dugay nga panahon kay wala nakatubag sa panginahanglan sa mga lumad nga matang.