SURIGAO CITY: Malampusong napahigayon ang labing bag-ong paglusad ug pormal nga pagbukas sa ika-28 nga Caraga Business Conference dinhi sa dakbayan sa Surigao isip kabahin sa nagpadayon nga mga paningkamot sa pagpalambo sa ekonomiya sa rehiyon.
Isip opisyal nga host karong tuiga, gipakita sa Surigao Chamber of Commerce and Industry o SCCI ang ilang dakong garbo sa pagpanguna sa maong dakong kalihokan ubos sa liderato sa ilang Presidente nga si Madame Melva P. Garcia. Ang maong kalihokan gitambongan usab sa Regional Governor sa Philippine Chamber of Commerce and Industry Eastern Mindanao nga si Francis Marc Ty, uban sa mga nagkalain-laing stakeholders, LGU officials, mga representante gikan sa SYG, ug sa mga kugihan ug malampusong business leaders sa tibuok rehiyon.
Gipahayag ang kinasing-kasing nga pasalamat sa tanang mitambong, nisuporta, ug nagmalampuson sa maong panagtigom. Giisip kini sa mga tigdumala nga usa pa lamang ka sinugdanan, ug gihangyo ang tanan nga magpadayon sa pagpanag-uban aron makab-ot ang mas lig-on, mas lambo, ug mas competitive nga Caraga.
Leave a Reply