MinDA, gitan-aw ang dakong papel sa Mindanao sa Pax Silica initiative sa Estados Unidos

DAVAO CITY: Gilauman nga magpadayon ang importante nga papel sa rehiyon sa Mindanao sa katumanan sa “Pax Silica,” usa ka inisyatibo sa Estados Unidos nga nagtumong sa pagpalig-on sa mineral supply chains alang sa semiconductors, artificial intelligence, ug uban pang abante nga industriya.

Pinaagi sa mga mineral deposits sa rehiyon, gipahayag ni Mindanao Development Authority o MinDA Assistant Secretary Romeo Montenegro nga kasamtangan nilang gihimuan og pamaagi nga mahimong kabahin ang Mindanao sa maong Pax Silica ecosystem. Gitudlo ni Montenegro nga dul-an sa 90 porsyento sa nickel ore sa nasud gikan sa Mindanao, gawas pa sa mga mineral nga copper, gold, silica, ug rare-earth elements nga gikinahanglan sa paghimo og mga semiconductors.

Bisan pa man nga kasagaran sa mga nickel ore ipagawas sa gawas sa nasud tungod sa kakulang sa power generation infrastructure alang sa mga processing plants, gikatakda nga pagahimuan og hisgotan ang mga pamaagi sa pagdugtong sa Mindanao sa maong processing hub sa gihimong Board of Investments roadshow niadtong Agosto 24, 2026.