CAGAYAN DE ORO: Nagpagawas og red sanan yellow alerts ang National Grid Corporation of the Philippines o NGCP sa Mindanao power grid niadtong Lunes, Agosto 10, 2026, human napugos sa pagpamenos sa ilang output ang daghan ug gagmay nga mga power plant sa isla.
Sumala sa NGCP, miabot sa 2,616 megawatts ang demand nan kuryente samtang 2,602 megawatts lamang ang kinatibuk-ang suplay, nga nagbilin og 14-megawatt deficit ug zero reserves. Gipatuman ang red alert gikan sa alas 3 hangtod sa alas 4 sa hapon sanan alas 5 hangtod sa alas 8 sa gabii, samtang ang yellow alert gipatuman gikan sa alas 4 hangtod sa alas 5 sa hapon sanan alas 8 hangtod sa alas 10 sa gabii sa dili pa kini hingpit nga gikuha pagka-alas 7 sa gabii gawas sa nagpabiling yellow alert hangtod sa alas 10 sa gabii.
Gibutyag sa internal memorandum nan NGCP nga pito ka dagkong power plant sanan walo ka gagmay ang gipailawom sa pag-ayo o nag-operate sa derated capacity, lakip na ang Agus 4 Hydroelectric Plant sa Lanao del Sur, ang Mt. Apo Geothermal Power Plant sa Kidapawan City, sanan ang Pulangi 4 Hydroelectric Plant sa Bukidnon, nga miresulta sa 114.6 megawatts nga pagkunhod sa suplay.