SURIGAO CITY: Nangayo kuman nan tabang sa publiko ang usa ka residente sa Barangay Taft aron mauli ang iyang pitaka nga naglaman og 20,000 pesos nga cash nga nahuyog samtang nagbiyahe sa kadayanan sa siyudad niadtong Domingo, Agosto 9, 2026.
Sumala sa maong residente, udto sa Domingo samtang nagpadagan siya sa iyang motor gikan sa Housing, miagi sa mga dalan sa Nueva, Narciso, Espina, Borromeo, Sarvida, Amat, Magallanes, Peñaranda, Gemina, Roxas, ug Rizal Street, hangtod sa Parkway. Didto na niya nabantayan nga wala na ang iyang itom nga pitaka.
Gipahayag sa biktima nga ang maong kwarta ipalit unta ug kunsomo ug bahog para sa iyang pito ka baboy, sanan ibabayad sa iyang mga utang. Aduna usab sumala pa’y driver’s license nga naa sa sulod sa maong wallet. Giawhag ang bisan kinsa nga nakakita o adunay impormasyon bahin sa maong itom nga pitaka nga makigtiayon ug ipaabot gilayon ang detalye sa istasyon.