Rep. Martin Romualdez, gikuhaan og fingerprint sa CIDG sulod sa ospital human gisilbihan og arrest warrant alang sa kasong plunder

MANILA: Gikuhaan og fingerprint sa mga sakop sa Criminal Investigation and Detection Group (CIDG) si Leyte 1st District Representative Martin Romualdez sulod sa iyang kwarto sa ospital niadtong gabi-i sa Setyembre 7, 2026.

Kini nga lakang kabahin sa standard booking procedures sa mga awtoridad human opisyal nga gisilbihan og warrant of arrest ang lehisllador. Ang maong arrest warrant naggikan sa Sandiganbayan kalabot sa giatubang niining kasong plunder, nga may kalabutan sa giingong anomalya ug pondo sa mga proyekto sa flood control.

Tungod sa kasamtangang kahimtang sa iyang panglawas sulod sa ospital, didto mismo gipahigayon sa mga otoridad ang gikinahanglan nga proseso sa pagkuha sa fingerprint ug documentation. Padayon nga gihuptan sa mga awtoridad ang husto nga pag-atiman ug pagpatuman sa balaod samtang nagpadayon ang mga legal nga proseso sa maong kaso.