SURIGAO CITY: Mabulukon ug puno sa garbo nga gipahigayon ang pagpili ug pagparada sa “Reyna nan Bonok-Bonok 2026,” diin nagpasundayag sa ilang kaanyag, kahanas sa pagsayaw, ug angking kultural nga garbo ang mga kandidata ug festival queens gikan sa nagkalain-laing contingent.
Ang maong kompetisyon ug paghatag og pasidungog sa Reyna nan Bonok-Bonok usa sa mga pinaka-gipaabot nga bahin sa 42nd Bonok-Bonok Maradjaw Karadjaw Festival. Nagpakita ang mga lead dancers ug reyna sa matag grupo og madasigong Mamanwa-inspired nga lihok ug pagsayaw subay sa gipakusog nga tunog sa tambol, nga nagrepresentar sa grasya, pagtuo, ug lig-on nga kultura sa mga Surigaonon.
Dako ang paghangop ug pagpasiugda sa lokal nga pangagamhanan ug sa mga nagdumala sa festival alang sa tanang misalmot nga mga festival queens ug sa ilang matag contingent. Ang ilang gipakitang dedikasyon naghatag og dugang nga kinabuhi ug kasadya sa tinuig nga selebrasyon pahaum sa kapistahan sa patron saint nga si San Nicolas de Tolentino.
Leave a Reply