Taganito Mining Corporation misungkit sa 2nd Place sa Surigao City Charter Day Float Competition

SURIGAO CITY: Nagdala og dakong garbo ang Taganito Mining Corporation o TMC human nila nasakmit ang 2nd Place Award sa gihaping Charter Day Float Competition sa gagmay nga kategorya o small category. Ang maong kompetisyon gihimo isip kabahin sa mabulukong pagsaulog sa ika-56 ka tuig nga anibersaryo o Charter Day sa Surigao City, diin napulo ka mga nagkalain-laing contingent ang nag-ilog sa kadaugan.

Gipahayag sa kompanya nga ang maong kadaugan usa ka pamatuod sa malikhain nga pagtinabangay ug dedikasyon sa tanan nga nagpaluyo sa paghimo sa ilang float. Gawas sa nadawat nga pasidungog, gipaabot usab nila ang ilang dakong kalipay nga nahimong kabahin sa malampusong tinuig nga selebrasyon aron makighiusa sa mga Surigaonon sa paghandum sa kasaysayan ug kalamboan sa dakbayan, mga higala.