TESDA nagpahigayon nan Job Fair sanan Service Caravan sa City Cultural Center

SURIGAO CITY: Pormal na gisugdan an pagpahigayon nan dako na Job Fair sanan Service Caravan didto sa City Cultural Center isip kabahin sa mga nag unang aktibidad nan Technical Education and Skills Development Authority o TESDA alang sa paglusad nan World Cafe of Opportunities.

Gipahibalo nan ahensya na tibuok adlaw an maong aktibidad diin abli inin para sa tanang indibidwal na gusto makasuyod sa trabaho sanan niadtong mga nangandoy na mamahimong beneficiaries nan mga nagkadaiyang programa nan TESDA. Usa inin ka dako na kahigayonan para sa mga nagpangita nan panginabuhian sanan libre na pagbansay aron mapalambo an ilang mga kahanas.