Tugboat nga nagdala og 15,000 ka litro nga diesel lumod sa Zambales

BOTOLAN, ZAMBALES: Lumod ang usa ka tugboat nga nagdala og gibana-bana nga 15,000 ka litro nga diesel human kini mabadbad ug gilunod sa kusog nga mga balod sa kadagatan sa Botolan, Zambales niadtong Lunes, Agosto 24.

Gikumpirma sa Philippine Coast Guard o PCG nga ang MTug SL Sual 1 lumod alas 7:46 sa buntag samtang ginatow kini padulong sa Barangay Bangan diin kini kaniadto na-aground niadtong Agosto 15. Nagsugod kini og kiling sa tuo nga bahin hangtod nga hingpit nga nalumod sa giladmon nga 24 metros. Napulo ka mga tawo ang miambak sa tubig ug malampusong na-rescue ug naluwas sa mga awtoridad. Ang maong barko gipanag-iya sa SMC Shipping and Lighterage Corp.

Bisan pa nga nagdala kini og dakong bolyum sa sugnod, gitaho sa PCG nga nagpabilin nga intact o wala maabli ang fuel tank sa barko. Aron mapugngan ang posibleng oil spill, nagpahigayon dayon ang PCG og shoreline patrols sa Bucao River ug gibutang sa standby ang oil spill response equipment sama sa absorbent pads.

Base sa pasiunang imbestigasyon, adunay nadungog nga kusog nga lagbog sa barko, ug gitan-aw sa PCG spokesperson nga si Commodore Noemie Cayabyab ang posibilidad nga naigo kini sa ilalom sa tubig sama sa nahibiling puthaw gikan sa usa ka kaniadto nang lumod nga barko. Padayon pa ang imbestigasyon sa mga awtoridad sa pagtino sa tinuod nga hinungdan sa insidente.