Tunghaan sa Iloilo nagsugod nan mandatory na paggamit nan transparent bag sa pag eskuyla

ILOILO PROVINCE: Pormal na tagsugdan nan usa ka eskuylahan sa lungsod nan Tigbauan, Iloilo Province, an mandatory na paggamit nan transparent bags human sa mga nitumaw na kagubot sanan isyu sa seguridad sa nagkadaiyang mga tunghaan sa nasud.

An Parara National High School sa Tigbauan, Iloilo, an nanguna sa pag model nan mga transparent bags aron masiguro an hugot na seguridad sanan mapadajon an hapsay na learning environment. Sumaya sa mga school officials, an bag ong polisiya ipatuman dili lamang alang sa mga estudyante kondili para usab sa tanan na musuyod sa eskuylahan.

Kahinumduman na niadtong Hulyo 1, 2026, nakipagpulong na an mga opisyal nan eskuylahan ngadto sa mga ginikanan para sa inin polisiya, sanan matud pa hugot na suportado inin nan kadaghanan. Dugang pa nan kadumalahan, an paggamit nan transparent bag makatabang og dako para dali makita nan mga security personnel sanan school staff an mga butang na ginadili o dili angay dayhon nan mga bata sa tunghaan.